小巴

在往旺角的小巴上，一年輕的乘客對小巴司機說：「唔該朗豪坊有落。」「好呀，阿細佬。」司機一邊伸起他的左手，一邊說，左眼順勢向後座喵了一眼。然後，小巴在亞皆老街與上海街交界停下讓年輕人下車。

年輕人，一頭烏黑及肩的捲燙短髮，戴了一副眼鏡，皮膚光滑，五官端正，身型纖瘦，穿了一件紅黑格子恤衫和深藍色的丹寧褲，手上拿著一隻旅行袋般大小的LV袋子，袋子上掛了個可愛的小布偶。

下車時，小巴司機和在座幾對中年男女乘客都不約而同地睜著雙眼看著他。

「到底係男仔定女仔o黎o架?」司機問，「我仲叫佢細佬tim」。男乘客甲答道：「而家真的好難分呀，又有o的似男，又有o的似女!」司機接著說，「係呀，叫佢細佬，佢又唔應，我幾驚自己叫錯，唔……會不會係女仔來呀?」男乘客乙笑著說：「算啦，而家後生的唔會識應人o架啦，佢肯點下個頭都叫好好啦。」「係呀!係呀!」男乘客甲連忙和應著。「唉，真係唔知點好，咁係男定女呀?」小巴司機繼續問。